Hnub: 9 Hlis Ntuj tim 24, 2021
Ntaub Ntawv Tshiab Qhia Txog Tus Mob COVID-19 Nyob Hauv Ib Lub Lim Piam Hauv Nroog Milwaukee
MILWAUKEE – Cov neeg muaj mob COVID-19 tshiab hauv lub Nroog Milwaukee ntawm 100,000 tus neeg lub lim piam no nce mus rau 351.6 tus nyob rau 7 hnub dhau los thiab tseem nyob rau qhov “kis tau mob loj heev”. Qhov feem pua ntawm cov neeg kuaj tau muaj mob COVID-19 nqis los rau 9.1% thiab nqis los rau qhov “kis tau mob loj”.
Hnub Saturday, 9 Hlis Ntuj tim 25 yuav yog hnub kawg ntawm kev kuaj mob COVID nyob rau ntawm American Family Field. Qhov chaw kuaj mob tshiab yuav npaj qhia tawm rau lub lim piam tom ntej no. Tam sim no, qhov chaw kuaj mob ntawm Northwest thiab Southside Health Centers tau txais kev pab ntxiv thiab yuav ntxiv ib cov neeg ua hauj lwm kom thiaj ua tau hauj lwm rau qhov muaj neeg coob tuaj kuaj mob.
Milwaukee Health Department qhov txhaj tshuaj COVID-19 tau nyiaj uas pib hnub Thursday, 9 Hlis Ntuj tim 23 pom tau hais tias ua hauj lwm tau zoo heev nyob rau thawj 2 hnub. Thaum nyiaj tseem tshuav, cov neeg uas muaj hnub nyug 12 xyoos rov saud thiab txhaj thawj koob tshuaj COVID-19 nyob rau ntawm Northwest Health Center los yog Southside Health Center yuav tau txais $100 U.S. Bank gift card nyob rau ntawm qhov chaw txhaj tshuaj. Muaj ntaub ntawv qhia ntxiv hais txog qhov nyiaj pab no nyob rau ntawm Milwaukee.gov/COVIDvax.
Thaum lub lim piam no pib, CDC tau tso cai txhaj koob tshuaj booster (koob thib 3) Pfizer COVID-19 rau cov neeg muaj hnub nyug 65 xyoos thiab siab dua los yog cov muaj hnub nyug 50 txog 64 xyoos uas muaj mob. Muaj ntaub ntawv qhia txog CDC cov kev pom zoo nyob rau ntawm lawv lub website. Tam sim no, Milwaukee Health Department tseem tos kev qhia ntxiv los ntawm Wisconsin DHS ua ntej yuav muaj ntaub ntawv qhia ntxiv hais txog txhaj koob tshuaj booster (koob thib 3) thiab muaj nyob rau qhov twg.
Milwaukee Health Department txoj hauj lwm tseem ceeb tshaj plaws ces yog xyuas ntxiv mus kom muaj cov pej xeem coob li coob tau mus txhaj tshuaj kom sai li sai tau. Tam sim no, 55.5% ntawm cov pej xeem hauv Milwaukee muaj hnub nyug 16 rov saud twb tshaj tshuaj tiav tag lawm hos 61.2% twb txhaj ib koob lawm.
Lub lim piam no, Health Department cov neeg tawm mus txhaj tshuaj rau hauv zej zog tshaj 400 qhov chaw txij thaum pib tawm mus txhaj tshuaj thaum lub 3 Hlis Ntuj. Los txog rau hnub no tau txhaj tshaj 11,674 koob tshuaj nyob rau ntawm cov chaw no. Dhau li ntawm tawm mus txhaj tshuaj rau tej chaw hauv zej zog, yeej tseem muaj neeg tawm mus ncig ib yig dhau ib yig txhaj tshuaj nyob rau hauv ib cov neeg lub tsev uas lawv tawm tsis tau mus txhaj tshuaj nyob rau ntawm cov chaw txhaj tshuaj. Los txog rau hnub no, tau txhaj 617 koob tshuaj rau cov pej xeem nyob rau hauv lawv lub tsev uas yog teem sij hawm mus txhaj, hos mus khob qhov rooj ib yig dahu ib yig ces txhaj tau 542 koob tshuaj. Leej twg xav teem sij hawm kom mus txhaj tshuaj nyob hauv lawv lub tsev yuav hu tau rau COVID Hotline ntawm 414-286-6800.
Hnub Saturday, 9 Hli Ntuj tim 25, yuav muaj txhaj tshuaj COVID-19 nyob rau ntawm El Ray Health Fair (916 S. Caesar E. Chavez Drive) pib thaum 11 a.m. txog 3 p.m. thiab nyob ntawm Core El Centro Step to the Beat of Healing Block Party (130 W. Bruce Street) pib thaum 1 txog 4 p.m. Muaj ntaub ntawv qhia txog cov chaw txhaj tshuaj hauv zej zog ntawm Milwaukee.gov/COVIDvax.
###