Skip to Content
 

MUAB TSO TAWM TAM SIM: 8 Hli Ntuj tim 20, 2021

Hu/sau ntawv rau: Emily Tau, [email protected]
(414) 286-3780, (414) 308-5556

Ntaub Ntawv Tshiab Qhia Txog Tus Mob COVID-19 Nyob Hauv Ib Lub Lim Piam Hauv Nroog Milwaukee

MILWAUKEE – Cov ntaub ntawv qhia txog tus kab mob seb zoo li cas lawm pom hais tias pib lub lim piam dhau los no yeej txo me ntsis lawm. Nyob ntawm 100,000 tus neeg twg muaj 224.5 tus neeg mob thiab tseem nyob rau qhov “kis tau mob loj heev”. Ib nyuag txo lo ntawm 100,000 tus neeg twg muaj 232.5 tus neeg mob lub lim piam dhau los. Qhov feem pua ntawm cov neeg kuaj tau muaj mob yog 9.7%, txo los ntawm 10.4% lub lim piam dhau los, thiab tseem nyog rau qhov “kis tau mob loj”.

Ua raws nraim li CDC thiab Wisconsin DHS txoj cai, Milwaukee Health Department pib txhaj koob tshuaj thib 3 mRNA rau cov neeg lub cev tsis muaj zog tiv thaiv tau kab mob rau hnub Tuesday, 8 Hli Ntuj tim 17 tag los no. Muaj tshuaj txhaj ntxiv rau cov neeg tsim nyog txhaj nyob rau ntawm Northwest Health Center (7630 W. Mill Rd.) thiab Southside Health Center (1639 S. 23rd St.) uas tsis tas teem sij hawm.

Thaum lub lim piam no pib, cov kws txuj ntawm cov neeg saib kev noj qab haus huv thiab cov kws kho mob hauv U.S. Department of Health and Human Services (HHS) tau koom ua ke tshaj tawm txog lub chaw ua hauj lwm qhov kev npaj txhaj ib koob tshuaj COVID-19 ntxiv (booster shoots) rau cov neeg lub cev tseem muaj zog tiv thaiv tau kab mob. Tam sim no, txhaj koob tshuaj booster rau cov neeg lub cev tseem muaj zog, tab sis tshuas yog cov tshuaj txhaj tiv thaiv kab mob dhau caij nyoog lawm xwb, yuav tsis pom zoo kom txhaj, tab sis qhov no CDC xav hais tias tej zaum yuav pib txhaj rau lub lim piam hauv lub 9 Hlis Ntuj tim 20, raws li cov lus hais tseg. Milwaukee Health Department yuav ua raws nraim li txoj cai hloov ntawm tsoom fwv thiab hauv lub xeev.

Txhaj thawj koob tshuaj COVID-19 tseem yog lub chaw ua hauj lwm txoj hauj lwm tseem ceeb tshaj plaws. Tam sim no, 52.0% ntawm cov neeg laus hauv lub Nroog Milwaukee txhaj 2 koob tshuaj tag lawm, thiab 57.2% txhaj koob thib ib tag lawm. Los txog rau hnub no, pab neeg tawm mus txhaj tshuaj rau neeg ntawm lawv tsev tau txhaj 507 koob tshuaj rau cov neeg nyob rau ntawm lawv tsev.

Yuav muaj tshuaj COVID-19 txhaj nyob rau tawm cov chaw no, xws li Mt. Pilgrim Baptist Church’s Back to School Fair (2700 W. Brown St.) thiab BLOC and LIT’s Back 2 School Bash (2308 W. Nash St.) rau hnub Saturday, 8 Hli Ntuj tim 21. Pab neeg ua hauj lwm tseem yuav mus txhaj tshuaj nyob rau 3 hnub ntawm Mexican Fiesta nyob ntawm Henry Maier Festival Park (200 N. Harbor Dr.), 8 Hli Ntuj tim 27 txog 29. Muaj ntaub ntawv qhia txog lub sij hawm txhaj tshuaj thiab qhov chaw rau ntawm Milwaukee.gov/COVIDvax.

Lub hlis tag los no ib hnub twg cov neeg mus kuaj mob muaj ntau tshaj ib npaug ntxiv. Lub lim piam dhau los, ib hnub twg MHD kuaj taj tsam li 2,115 tus neeg. Leej twg muaj tus tsos mob COVID-19 los yog tau nyob ze los yog tau nrog ib tug neeg kuaj tau muaj mob COVID-19 yuav tsum tau mus kuaj. Muaj kuaj mob dawb thiab tsis tas teem sij hawm nyob rau ntawm American Family Field thiab ntawm Northwest thiab Southside Health Centers. Vim hais tias Brewers muaj ntau pob, lub chaw khuaj mob ntawm American Family Field yuav kaw rau hnub Saturday, 8 Hli Ntuj tim 21. Xav paub ntau ntxiv txog kuaj mob COVID-19, mus saib tau hauv Milwaukee.gov/COVIDtesting.

###