Skip to Content
 

TXHAWM RAU KEV TSO TAWM TAM SIM NTAWV: Lub Rau Hli Ntuj Tim 18, 2021

Tiv tauj: Emily Tau, [email protected]
(414) 286-3780, Xov Tooj Ntawm Tes: (414) 308-5556

Xeev Milwaukee Qhov Kev Tshaj Qhia Tshiab Txog Kab Mob COVID-19 Txhua Lim Tiam

MILWAUKEE – Lub lim tiam no, qhov kev ntau nqi rau teeb meem Kev Sib Kis Kab Mob COVID-19 rau Xeev Milwaukee yog nyob rau ntawm 18.6 tauj rau 100,000 tus neeg.Qhov no qhia tias tau nqis me ntsis los ntawm 18.8 nyob rau lub lim tiam tas los thiab tseem nyob rau pawg "Muaj Kev Sib Kis Kab Mob Coob".Feem pua uas kuaj tau muaj kev kis kab mob yog 1.5%, kuj tseem pom tau tias nqis los me ntsis lawm ntawm 1.8% lub lim tiam tas los, thiab tseem nyob rau pawg "muaj kev sib kis kab mob tsawg".Niaj hnub no, muaj 51.5% ntawm Milwaukee cov neeg loj uas tau txais yam tsawg twb yog lawv thawj koob tshuaj txhaj tiv thaiv kab mob COVID-19 thiab 45.5% uas yog cov txhaj tshuaj puv lawm.

“Cov kev teev ntsuas qhia rau pom tias kev kis kab mob COVID-19 mus dav nyob rau hauv peb lub zos tau nqis zuj zus lawm,” uas yog Tus Tswj Kev Khiav Hauj Lwm Kev Noj Qab Haus Huv Kirsten Johnson hais li ntawv.“Txawm li cas los xij, tus kab mob vais lav yeej tseem tsis tau tag mus, thiab tseem muaj kev phom sij rau cov neeg uas tseem tsis tau txais kev txhaj tshuaj tiav.Txoj hau kev zoo tshaj plaws rau tiv thaiv koj tus kheej cov neeg koj hlub, thiab cov uas tseem tsis tau tsim nyog txais kev txhaj tshuaj tiv thaiv kab mob yuav tau mus txhaj tshuaj rau koj kom sai npaum li sai tau.”

Milwaukee Feem Tuav Hauj Lwm Saib Xyuas Kev Noj Qab Haus Huv yuav tsom xyuas rau kev coj kev txhaj tshuaj tiv thaiv kab mob los rau hauv lub zej zos txuas mus ntxiv, tshwj xeeb yog teeb hom phiaj rau cov zej zos uas tseem muaj neeg txhaj tshuaj tsawg.Nyob rau Hnub Saturday, Lub Rau Hli Ntuj Tim 19, pab pawg kws txhaj tshuaj tiv thaiv kab mob yuav nyob rau ntawm Walker’s Point Community Clinic, 130 West Bruce Street, thaum 9 teev sawv ntxov txog rau 12 teev tsaus ntuj, thiab ntawm St. Roman’s School, 1810 West Bolivar Avenue, thaum 2 teev txog rau 4 teev tsaus ntuj.

Nyob rau Hnub Sunday, yuav muaj kev txhaj tshuaj tiv thaiv kab mob nyob rau ntawm hauv ntej ntawm Voces de la Frontera qhov chaw ua hauj lwm, 1027 South 5th Street, thaum 9 teev txog rau 11 teev sawv ntxov rau ncua sij hawm tsa txheej xwm rau lawv qhov Mass March to Madison.Feem Tuav Hauj Lwm Saib Xyuas Kev Noj Qab Haus Huv kuj tseem yuav koom tes nrog rau Milwaukee Community Kickball League los muab tshuaj vav xees nyob rau qhov chaw tsa txheej xwm ntawm James Beckum Park, 900 West Brown Street, thaum 2 teev txog rau 4 teev tsaus ntuj. Dhau ntawm tshuaj vav xees lawm, yuav muaj khoom noj, ua game, thiab nkauj rau tag nrho tsev neeg.

Cov npe chaw kho mob me tshiab uas tawm ncig pab txhaj tshuaj tiv thaiv kab mob uas kho tshiab, uas ke nrog rau cov sij hawm thiab cov chaw rau Qhov Chaw Khiav Hauj Lwm Saib Xyuas Kev Noj Qab Haus Huv Sab Qaum Teb Hnub Poob thiab Sab Qab Teb Cov Chaw Kho Mob Me Pab Txhaj Tshuaj Vav Xees thiab cov lus nug uas keev nug tas li hais txog tshuaj vav xees tiv thaiv kab mob COVID-19, tuaj yeem mus nrhiav tau ntawm milwaukee.gov/CovidVax.

Qhov kawg nkaus, tsab kev ceeb toom qhia uas Lub Tuam Tsev Hauv Xeev thiab Xeev Milwaukee cov tuam tsev yuav qhib rau pej xeem rau Hnub Monday, Lub Rau Hli Ntuj Tim 21.Cov neeg qhua tuaj rau hauv Lub Xeev cov tuam tsev, tsis hais yuav tau tshaj tshuaj lawm los, yuav tau kom rau ntaub npog qhov ncauj qhov ntswg nyob rau hauv cov tuam tsev no.Ua ke rau ntawv, cov neeg khiav hauj lwm rau lub xeev kuj tseem yuav tau rau ntaub npog qhov ncauj qhov ntswg thaum nyob rau cov chaw muaj neeg coob.

###