Skip to Content
 

TXHAWM RAU KEV TSO TAWM TAM SIM NTAWV: Lub Yim Hli Ntuj Tim 6, 2021

Tiv tauj: Emily Tau, [email protected]
(414) 286-3780, (414) 308-5556

Xeev Milwaukee Qhov Kev Tshaj Qhia Tshiab Txog Kab Mob COVID-19 Txhua Lim Tiam

MILWAUKEE – Teeb meem txog tus kab mob tau nce yuav luag txog ob npaug txhua lub lim tiam rau sij hawm plaub lub lim tiam dhau los nyob rau hauv xeev Milwaukee.Cov ntaub ntawv teev tseg hauv lub lim tiam no qhia rau pom txog kev xam theem nrab rau sij hawm xya hnub uas muaj txog 218.4 leej tauj 100K tus neeg, uas yog nyob rau pawg “muaj kev sib kis kab mob coob heev”.Feem pua kev kuaj tau kis kab mob txav nce mus rau pawg “hmuaj kev sib kis kab mob siab”, nyob rau 10.9%.

“Peb paub txog txoj hau kev yuav pauv tig kho qhov kev yuav tshwm sim,” Kirsten Johnson uas yog Tus Tuav Tswj Hauj Lwm Saib Xyuas Kev Noj Qab Haus Huv tau hais li ntawv.“Qhov lus hais qhia tseem tsis tau hloov pauv.Nws tseem ceeb heev uas txhua leej muaj kev tsim nyog lawm yuav tau txais kev txhaj tshuaj tiv thaiv kab mob.Yog koj tseem tsis tau txais kev txhaj tshuaj tiv thaiv kab mob, cov ntaub npog qhov ncauj qhov ntswg yuav yog qhov cuab yeej tseem ceeb rau kev ceev koj tus kheej thiab cov neeg nyob ib ncig ntawm koj kom muaj kev nyab xeeb kom txog rau thaum koj tau txais koj koob tshuaj tiv thaiv kab mob.”

Tshuaj tiv thaiv Kab Mob COVID-19 nws muaj kev nyab xeeb, siv tau zoo, thiab muaj txhij rau txhua tus uas muaj hnub nyoog siab tshaj 12 xyoos.Niaj hnub no, 51% ntawm Xeev Milwaukee cov neeg loj uas muaj hnub nyoog siab dua 16 xyoo tau txais kev txhaj tshuaj tiv thaiv kab mob lawm thiab 55.5% tau txais yam tsawg yog lawv thawj koob tshuaj lawm.Lus qhia paub ntxiv hais txog tshuaj tiv thaiv Kab Mob COVID-19 thiab cov chaw kho mob me pab txhaj tshuaj tiv thaiv kab mob uas yuav muaj sai no tuaj yeem nrhiav tau ntawm Milwaukee.gov/COVIDvax.

Kev kuaj tseem muaj pub dawb, kuaj sai, yooj yim, thiab muaj nyob rau ntawm Northwest Health Center, Southside Health Center, thiab American Family Field.Yog tias koj sam sim muaj cov tsos mob tshwm sim uas yog Kab Mob COVID-19 los sis muaj kev nyob ze rau ib tug neeg twg uas xoom xaim tias muaj los sis kuaj tau tias muaj Kab Mob COVID-19, koj tsim nyog muab kev tseem ceeb rau kev kuaj ua ntej sij hawm peb txog rau tsib hnub tom qab muaj kev nphav raug tus neeg muaj kab mob.Cov neeg uas tau txais kev txhaj tshuaj tiv thaiv kab mob puv lawm tsis tag yuav cais kaw tus kheej seb lawv puas muaj tsos mob tshwm sim tiam sis yuav tau rau ntaub npog qhov ncauj qhov ntswg rau sij hawm 14 hnub los sis kom txog rau thaum qhov kev kuaj tau los tsis muaj kab mob.Cov neeg uas txhaj tshuaj tiv thaiv tsis tau puv yuav tsum tau caiv tus kheej rau sij hawm 14 hnub los sis kom txog rau thaum qhov kev kuaj tau los tsis muaj kab mob.

Cov sij hawm nyob rau ntawm Northwest Health Center and Southside Health Centers uas tau hloov kho kom haum nyob rau lub lim tiam no yuav muab siv nrog rau cov sij hawm sawv ntxov, tav su, tsaus ntuj, thiab tog kawg lub lim tiam.Tag nrho ob qho chaw yuav muab kev kuaj mob thiab kev txhaj tshuaj tiv thaiv kab mob rau cov Hnub Monday thiab Friday thaum 9 teev sawv ntxov txog rau 3 teev tsaus ntuj, cov Hnub Tuesday thiab Thursday thaum 12 teev txog rau 6 teev tsaus ntuj, thiab cov Hnub Saturday thaum 9 teev sawv ntxov txog rau 1 teev tav su. Cov chaw kho mob me kaw rau cov Hnub Sunday thiab Wednesday.Cov sij hawm rau qhov chaw kuaj mob American Family Field tau hloov pauv, tiam sis thov txheeb lub vas sab txhawm rau cov kev kaw yeeb vim muaj kev cov nyom rau cov kev sib tw Brewers.Ntaub ntawv muab kev qhia paub ntxiv hais txog kev kuaj mob tuaj yeem nrhiav tau hauv peb lub vas sab ntawm Milwaukee.gov/COVIDtesting.

 

###

 

Kev Teev Caij Rau Qhov Chaw Kho Mob Ncig Pab Txhaj Tsuaj Tiv Thaiv Kab Mob Lub Yim Hli Ntuj Tim 7 – 14, 2021

Hnub Saturday, Lub Yim Hli Ntuj Tim 7

  • Victims of Milwaukee Violence Event
    Sherman Park
    3000 N. Sherman Blvd.
    9 – 11 a.m.

Hnub Tuesday, Lub Yim Hli Ntuj Tim 10

  • UWM Student Union
    2200 E. Kenwood Blvd.
    11 a.m. – 3 p.m.
  • DPW Industrial Road Yard
    Social Development Commission
    1730 W. North Ave.
    2 – 5 p.m.

Hnub Friday, Lub Yim Hli Ntuj Tim 13

  • Silver Spring Neighborhood Center
    5460 N. 64th Street
    3 – 7 p.m.

Hnub Saturday, Lub Yim Hli Ntuj Tim 14

  • Wisconsin Northwest Family Initiative – Family Fest Back to School Rally
    El-Bethel Church of God in Christ
    5401 W Good Hope Rd.
    10 a.m. – 2 p.m.

  • MCW Community Health Workers Health Fair
    916 E. Cesar Chavez Dr.
    11 a.m. – 3 p.m.